2014年7月27日 星期日

[AM730 專欄] 終身美麗 - 專業男士眼中最恐怖的女人

上回我訪問了十位城中筍盤眼中的女神條件。假若各位姊妹們未能合符他們的女神條件也不打緊,有時間可以慢慢執;但最怕妳是他們眼中最恐怖,街頭見到街尾都想掉頭走的女人,那就想執也太遲了!所以,今次我就再訪問該十位城中筍盤,看看在他們眼中那種女人最恐怖,以作警惕!

[AM730 專欄] 終身美麗 - 專業男士眼中最恐怖的女人

纖形達人Pauline Leung https://www.facebook.com/misspaulineleung?ref=hl

2014年7月24日 星期四

男人不懂的女性減肥秘密

我發覺身邊有好多女仔都唔知道一個只有女性先獨有的減肥秘訣,這秘訣就是配合生理週期進行減肥計劃,有事半功倍之效。

以上的減肥黃金期真係萬試萬靈,我有好多客人試過都係認為係好work! 佢地同樣一星期跳34堂舞,係黃金期跳可能會輕多一兩磅,減肥效果係快好多。

大家要好好把握呢個女人獨有既減肥黃金期呀!

有好多肥既女仔,佢既經期好多時會比較亂;而經期亂既女仔,又會容易愈來愈肥。到底兩者有乜嘢關係?呢個會留待下次再講。

2014年7月22日 星期二

型格熟女 Hard & Soft Crossover

若果大家平日返工想lady少少又唔想比人感覺太過乖乖女, 太Boring既話。不妨大膽試下各種Mix & Match Style。今次我就向一條著咗會即刻好飄逸~ ~ ~既米黃色雪仿裙上,配搭一條有少少details既黑色粗皮帶,黎一個Hard & Soft crossover;易襯之餘,唔同年紀既女性都carry到。若大家想試下呢類型既style,可以係IT/ISSUE慢慢簡, 佢地有好多唔同style既衫,特價既時候真係好抵買嫁>.<




 MURUA 米黃色雪紡連身裙  IT特價 $189

ISSUE 黑色皮腰帶 IT特賣埸  $140

2014年7月20日 星期日

[AM730 專欄] 終身美麗 - 在倒抽一口涼氣之前,讓我們整飾儀容

相信全香港市民係電視機前面睇到梁太如何肉緊, 七情上面咁大罵蔡子強的時候。她那不禁令人‘倒抽一口涼氣’的面孔已經在市民心中留下深刻烙印,我為她致以深深默哀!

[AM730 專欄] 終身美麗 -  在倒抽一口涼氣之前,讓我們整飾儀容

2014年7月17日 星期四

姊妹「淘」寶啦!

淘寶呢個名真係無改錯,上星期行經尖沙咀細商場見到這件軍綠色上衣$169一件。質料只是普通貨色,覺得唔值! 應該有其他地方可能會賣平3/40蚊,當時我以為自己已經好醒,哼! 點知原來仲有更加平。身邊朋友一向有「淘」衫的習慣,我係唔識玩淘寶個種人,不過都知道係平啲既,只是估唔到差得咁遠! 同一件軍綠背心,香港舖仔賣$169,淘寶只賣$37.4,差4倍有多。好似我呢種唔識淘寶既人就會無端端比高幾倍既價錢買。當時十分慶幸自己無因為一時衝動而比多咁多錢。下次係呢類小舖買衫不坊做多重步驟,「淘」一「淘」有無同款先好扑捶買。

軍綠背心    淘寶$37.4hkd
白色吊帶連身裙      淘寶$73.8hkd
Nike波鞋     CPU$899hkd 




我喜歡買連身裙多過半截裙, 因為連身裙可以單獨着亦可以配搭上身當半截裙着,而半截裙就只有一種用途。






2014年7月15日 星期二

Funky Fitness Dance



Funky Fitness Dance Choreo by Pauline
想減肥, 最好跳舞啦! 輕輕鬆鬆好快又過一個鐘. 唔洗驚手腳唔協調!一定跟到嫁! 快啲過黎join我地啦! o^_^o

2014年7月14日 星期一

減肥就唔食得雪糕! No way! 雪糕以外的另一選擇

呢幾日天氣咁熱!留係屋企睇波hea既時候都會想食啲凍嘢! 不過減緊肥既我一食雪糕就等於前功盡廢, 因為杯杯都過百卡路里, 救命! 我咁辛苦跳舞減肥因為杯雪糕一朝喪!No Way!

行街見到啲Frozen yogurt舖頭就令我諗到將yogurt雪凍再攞出黎食應該都一樣咁好味, 買咗幾杯鐘意既味道雪硬佢, 到食既時候放涼約15分鐘就好容易用匙羹筆到出來。 質感超似出面賣既乳酪雪糕! 係雪糕而外的另一選擇!!







2014年7月12日 星期六

[AM730 專欄] 終身美麗 - 專業男士心目中的女神

現今香港女多男小,點樣先可以突圍而出??想好好裝備自己既同時,其實都要好好了解下對方要D咩野,正所謂「知己知彼,百戰百勝」,今次AM730專訪,我專誠搵左城中10位專業型男,訪問下佢地,點先可以成為佢地心目中既女神!

Hey gals,are u ready??

[AM730 專欄] 終身美麗 - 專業男士心目中的女神



2014年7月11日 星期五

$100/套(埋黎睇,埋黎揀)之初夏入手泳衣 x bali trip (瘦左係時候曬下比堅尼)

話說,以前肥個時去沙灘只會着一件頭加件大tee(肥既朋友仔應該感同身受), 自從減肥成功之後,我終於去沙灘既時候唔洗著到成個木乃伊咁,可以光明正大咁成套Bikini著出黎(唔洗加衫唔洗加褲,哈哈) 。瘋狂買bikini亦都成為左我今個夏天既其中一個嗜好, 邊個話平野無好?!今日就推介一啲抵買又靚既Bikini俾大家!今個夏天係時候一齊出去show下啦~

順便曬下之前Bali trip既bikini相先.........^.^~









Monki Bikini bra 特價$40 

Zara 熱帶比堅尼 特價$69 原價$189

H&M Balconette Bra $149

Forever 21 Strappy Geo Bikini 





2014年7月9日 星期三

夏天必備@防曬好物


今日向到唔係介紹什麼最新上架的防曬lotion,而是好平民的牌子。今次推介我試過無數咁多支防曬之後,一直覺得好用又優質,不斷回購既防曬乳。

下面呢一支搽身! 每逢有戶外活動一定唔少得佢,大家就算無用過都一定見過!


Coppertone確不同
Water Babies 溫和無刺激防曬乳SPF50
卓悅價$98


呢個牌子專出適合BB用的防曬乳、大人細路,最緊要係極敏感既皮膚都啱用。好多人都有錯覺以為適合BB用的產品雖然好溫和,但用係大人身上就唔夠強度。我初初都驚會曬到成舊黑炭返黎,不過曬咗成朝,只係變咗輕微既健康古銅色。仲有最重要既係,佢都算幾乾爽,唔會揸完成身油「立立」,成份溫和又抵用! 搽多啲都唔肉赤!

依枝防曬成日都間歇性無貨,大家見到好買定啦~





2014年7月7日 星期一

我的[終身美麗]@AM730

登!登!登!登!小妹有幸獲得AM730既邀請,宜家每星期會為佢地寫一D關於扮靚瘦身既資訊話俾大家知,只要大家逢星期六上AM730既Fresh就會見到我既連載架啦。今期就講熱爆既[抽脂風波],下期係D咩????就講所有女性其實都好想知既一D祕密,係咩唔講住,下期AM730見啦~

[AM730 專欄] 終身美麗 - 抽脂與燒脂

溫馨提示:大家望一望你既右手邊----->見唔見到個AM730 logo,只要click入去,就可以睇晒咁多期既連載架啦^.<
 

2014年7月4日 星期五

大少奶‧減肥前(慎入)

講咗咁多減肥資訊,都好似未講過自己之前有幾肥,朋友仔們唔洗再問我啦! 有圖有真相,我宜家就將我既過去拎出黎!!!!!曾經去到14x磅以上~ 哈,重睇返自己D相都好想燒左去! 今日就俾少少大家睇。我曾經都肥到咁......

 
 
 

平價Mix & Match ─ Loose pants x Cropped Top

香港人勁愛着貼身褲,着得多都厭。係時候要讓一讓位!
今季闊身的直腳褲登場,配合短身上身,視覺上有拉長效果。不要吝嗇你的纖腰,來湊湊這股闊褲熱潮。

Top: Cropped背心 尖沙咀小舖 $125
Trousers: 闊身高腰直腳褲 Monki $100      
Glasses: 太陽眼鏡 Cotton On $50


Zara: 繫腰帶寬腿褲 $359
H&M: 窄腳長褲 $349

2014年7月3日 星期四

100%椰子水VS運動飲品─天然與添加

夏天是減肥的好時機,運動時流汗特別多,電解飲品特別受歡迎。走入便利店,打開雪櫃。淋淋總總的運動飲品,能量飲品特別當眼,有含糖、不含糖、有咖啡因、沒有咖啡因的以前我隨手就會選擇其中一款根本不會理會有幾高糖份或添加了幾多種化學劑咁辛苦運動了一大輪緊係想飲一支冰涼解渴的飲品啦

不過能量飲品都挺高卡路里,一支由百幾至三百幾我都見過。飲咗豈不是浪費之前咁努力運動的成果,所以現在絕少飲反而發現有另一樣飲品可代替就是「純椰子水 100%Coconut water」原來椰子水是最天然的能量補充飲料有豐富的電解質、5種電解質及其他營養素(我還一直都只當它是消暑飲品, 好少會買來飲) 現在椰子水已有鋁箔包裝各大超市都容易買得到唔洗再托住個大椰青周街飲

對於想減肥又想解渴的女仔就最適合因為椰子水含有纖維,減慢糖的吸收,而且非常飽肚,夜晚跳舞前飲一包,跳完都唔會餓住訓。而且還有女士最愛的天然抗氧化以後就齊齊轉飲椰子水吧!






2014年7月1日 星期二

我愛跳舞

今日教跳舞時有同學問我:「點解你跳舞可以跳得那麼柔軟和熱力四射呢?」我的答案得簡單:「我喜歡囉!」

曾幾何時,我都同很多太太女仕們一樣去跳舞班跟阿Sir跳舞,「嘩!阿Sir好靚仔、阿Sir好有型!」但係跳舞唔係跟阿Sir跳加,係跟音樂跳加!像我這個不太懂音樂的人,只要旋律一起,我全身便投入了音樂中,隨著音樂拍子躍動身體每一個部位、每一個細胞。

到了今天,我不會說自己有幾叻跳舞,但我覺得自己好有feel,喜歡跳舞時的心情、樣子,喜歡聽著那些充滿熱力的音樂和節拍、再配合日跡月累的自然反應,按著節拍拋出每一個動作......哈哈,這就是我享受的跳舞了!

就是喜歡......


https://www.youtube.com/watch?v=9uAb3Br1LqE&feature=youtu.be