【AM730專欄】終身美麗 - 預防水腫小貼士

女仔一定有多多少少既水腫問題, 我都見過好多客人有嚴重水腫問題, 成因好多, 想知點解決或改善, 一定要睇啦!

【AM730專欄】終身美麗 - 預防水腫小貼士

Bubble Soccer 2014

呢個Bubble Soccer真係點都要去玩一次, 因為真係超級好玩, 踢波叻既人係呢到係無咩用, 玩得最聰明既人係識得撞人個啲人. 啲人主要唔係踢波而係撞人,  見到邊個平時最想丙佢既就直衝埋去撞到佢飛起就啱嫁啦! 場上無朋友, 哈哈! 過程笑到停唔到, 一大班朋友去玩就最正.

溫馨提示: 運動量超大, 玩完超勀, 記得玩之前要早啲食得飽飽, 太遲食得咁飽會被人撞到想嘔.

不要着太緊身短褲或衣物, 因為玩既過程太激烈, 已經有friends玩完發覺條褲側面爆開咗. 太恐怖啦!@@

場地: SFALO Soccer Stadium

觀塘嘉域大廈6樓

【AM730專欄】終身美麗 - 收陰機

世界上竟然會有呢種咁搞笑兼荒謬既手術出現, 真係只有老公先知道有無用.

【AM730專欄】終身美麗 - 收陰機

暑假入camp之旅~塘福露營車

夏天點都要去下camp先得既, 一早聽聞香港終於有車camp呢樣玩意, 但好難book! 我地都係托朋友幫手仲要一個月前book定先有位. 你話佢幾咁多人想試玩! 我一直都只聽身邊既朋友講呢到係點樣點樣, 今次終於可以親身試玩. 

我地一行5人由中環坐船去梅窩, 落船仲要搭的士才先到去露營車既地點. 一落車, 陣陣既牛屎味就撲埋黎! 立即覺得好有歐瑞強既郊嘢feel! !  之後沿住一條石磚路行, 周圍都有幾隻牛訓係草地到曬太陽. 超寫意! 原本前一日仲落緊雨, 幾驚今日都會落雨.但天公做美, 非常好天. 我地約咗2點半check in. 準時到達!     

有個帶草帽既阿叔迎接我地. 帶我地穿過一段短石磚路行入營地. 

營地門口係木欄做成, 都幾有農場feel

登登登登! 呢間就係我地架車, 原本我地book咗6人車, 但最終竟然變咗4人車, 有少少失望. 我地一行5人, 有3個人要逼埋同一張雙人床訓, 訓得有少少唔舒服. 係此趟旅程的敗北.

呢位就係黎迎接我地既農場阿叔, 佢好細心咁介紹車內的設備, 務求教識曬我地為止. 係好好既人, 不過佢唔係營地主人, 但我地都以為佢係, 哈哈!

車內有一張雙人床及兩張沙發床, 可打開成為兩張床, 兩個人訓就剛剛好, 3個人訓就要頭搭尾. 幾迫的!

地方細細但設備齊全既廚房, 杯杯碟碟都有齊,係爭個電飯煲, 因為我地打算夜晚打邊爐, 好彩農場叔叔係第二到班到個電飯煲比我地. 佢聽到我地話打邊爐都覺得奇怪. 因為一般黎親既都係係車出面個私人燒烤爐燒烤. 個晚其實唔太熱, 坐係出面都好舒服.

呢張就係我訓既雙人床, 訓出面個個會有少少吊腳. ^^

車內同車外係兩個世界, 車內冷氣充足, 一入黎即刻嘆返罐可樂先啦! 仲搵到達人兩個字添.

其實營地附近除咗燒嘢食同有一個沙灘之外, 就無咩其他嘢玩, 沙灘離營地幾分鐘路程, 好近! 我地等到無咁曬就落沙灘玩, 呢到都有少量蜆摸, 都好大隻, 不過朋友剩係掘到幾隻. ^^ 都係落水玩好過!

呢到一到黃昏就好靚, 旁邊架車仲有小朋友吹波波, 成個景色都好正!

營地到咗夜晚會着燈,同朋友坐係出面傾下飲下嘢都幾好FEEL!



打邊爐玩Killer之夜



早上聽到既唔係雀仔叫, 而係牛叫-_-,  走出車外見到周圍既山都比濃霧圍住, 有種隔世既感覺!

【AM730專欄】終身美麗 - 走出「沒女」行列

早排上咗蘋果動新聞, 要承認自己曾經係沒女真係好難, 不過最難既係要有勇氣同耐力走出「沒女」行列.


終身美麗 - 走出「沒女」行列

蘋果動新聞訪問 【3個沒女減肥變索】：無人係沒女

前排接受咗蘋果動新聞的訪問, 講關於我同兩位拍檔如何創立INS Theory減肥絕學. 有興趣知多啲我地點樣幫無數既肥妹減肥, 就要睇下啦!

 

Funky Dance(Angry)排舞片段

Pauline Leung Funky Dance (Angry)

[AM730專欄] 終身美麗 - 你是水腫型、肌肉型、還是脂肪型？

AM730專欄] 終身美麗 - 你是水腫型、肌肉型、還是脂肪型？

好多女仔對自己既身體都唔係太了解, 就盲目咁去試各種減肥方法. 方向錯曬都唔知. 所以減肥前首先要知道自己既體質屬於邊一種再對症下藥.

 

https://www.facebook.com/misspaulineleung

 

INS 個案分享(二) 60歲的Bonnie

INS 個案分享(二) 60歲的Bonnie

上一次講咗14歲澳門女學生減肥既經歷，今次想講另一個極端個案，也是比較困難的INS個案，就是60歲的Bonnie。

（一）背景

Bonnie本身年紀比較大，早年更不幸患上癌症，雖然經已痊癒過來，但現在仍有心臟病和「三高」，即高血糖、高血脂、高血壓；須要定期覆診。近來，醫生 囑咐她必須定期做運動，以降低體重和「三高」；顯然，她的指數已經到了嚴峻的情況了。於是，她參加了我們的INS Theory 課程。

（二）學員資料

Bonnie是INS Theory課程有史以來，參加同學之中年紀最大的一個。她剛剛開始INS Theory的時候係160磅，身高168厘米，計算BMI指數接近26，屬於肥胖型，指數亦超出正常範圍值16-22。而且，她亦患有心臓病，「三高」，並需長期服藥，可算是屬於受慢性疾病威脅困擾的一群。

（三）減肥進展

由於Bonnie年紀比較大，她的新陳代謝比年輕人差，故已預期成效不會那麼快出現。課程開始的兩個星期，她亦覺得很難適應跳舞課堂的運動量；而她的體重 亦只徘徊在158磅上下。營養師吩咐她多飲水，多休息，而適體能敎練亦叫她跳舞要量力而為，跟得就跟。幸好Bonnie並沒有放棄，停止跳舞，並堅持完成課程，她明白以她的年紀，消耗多少卡路里並不重要；反而，維持身體機能正常運作，加快新陳代謝才是重要。 最終，她能在餘下的兩個星期踏上了收成期。

（四）減肥結果

Bonnie在期後兩個星期磅數有明顯加快下降，由160 磅減去近8磅至152多磅，脂肪率亦由37.5%減至35.8%，終於成功用較長之時間改善了新陳代謝，更使體內的脂肪量減少。最令我們鼓舞的是，當她進行檢查身體時，醫生告知她的血糖、血脂、 血壓指數有明顯下降。醫生也嘖嘖稱奇，問她做什麼運動可以如此有成效！ Bonnie的個案讓我們知道，適當的運動可以改善身體的代謝功能，再配合均衡飲食，就可以令體重下降，「三高」的毛病也得以改善。當然，Bonnie的 樂天和堅毅的性格，也是她成功的關鍵！

日期 (D/M)	體重 (磅)	體水份率 (%)	脂肪率(%)	BMR 基礎代謝率 (Kcal)	內臟脂肪指數	骨骼重量
9/6	160.4	45.7	37.5	1360	8	6.2
20/6	156.4	46.0	37.2	1330	8	6.2
3/7	155.6	46.6	36.3	1336	8	6.0
11/7	152.6	47.0	35.8	1318	8	6.0

 

https://www.facebook.com/prettyfondhealthclub

http://www.prettyfond.com.hk/index.php