多年前我同哥哥一齊發現並加入了一個網上的旅遊會，當日很多資深會友今日已成了我的資深好友啦了。當中，有很多更是我們認識的旅遊達人呢！
第一次同不相識的會友去旅行，我和哥哥去到了蘇格蘭最北的小島叫Shetland Islands，就是為了看Puffin-知善鳥。到那個島看Puffin是需要轉車、轉船、再揸成日車、還要趴上高山的。記得在當地入住hostel晚上，我問哥哥：「Puffin究竟係乜野雀咁巴閉呀!」
翌日，當年從不行山的我幾經辛苦才扒上一個山頭：「嘩！呢道的風景好靚呀！」然後再扒過一個山頭：「嘩，到未呀？我已經好累呀！」再扒多一個山頭：「嘩，呢個季節有冇架？咁耐都未見到嘅？」再扒到無力扒了： 「哥哥，哥哥，哥哥，哥哥......我見到了，係Puffin呀！好得意呀！」
之後我同哥哥都成長了，佢成家立室，而我就忙過不亦樂乎。某年他在家庭飯局中問我：「我想六月去冰島旅行，你一起去嗎？」「不，我冇假。」我不加思索的回答！
上個月,因為搬屋的原故我執拾自己的物件，發現一些未有拆開的信件。當中，發現了它.....
哥哥：之後我地再睇唔睇到Puffin都不重要了，但你同我一齊成長的經歷，你帶我，教我行過的每一段路都很重要。哥，我終於也去過冰島了......也看到了!!
